जिओ, एअरटेल आणि वोडाफोन या कंपन्यांनी आपल्या रिचार्ज प्लानच्या दरात वाढ केल्यानंतर अनेकांनी बीएसएनएलमध्ये आपला नंबर पोर्ट करण्यास सुरवात केली आहे. या संधीचा फायदा सरकारी टेलिकॉम कंपनी बीएसएनएल घेताना दिसून येत आहे.
आता बीएसएनएलने असा एक प्लान लॉन्च केला आहे ज्यामुळे जिओ, एअरटेलची चिंता वाढली आहे. ग्राहकांना आपल्याकडे आकर्षित करण्यासाठी बीएसएनएल एकापेक्षा एक असे जबरदस्त रिचार्ज प्लान्स ऑफर करत आहे.
बीएसएनएलकडे अनेक स्वस्त आणि मस्त असे रिचार्ज प्लान्स उपलब्ध आहेत. यासोबतच 5G लॉन्चिंगची सुद्धा तयारी सुरू आहे. सरकारी टेलिकॉम कंपनी बीएसएनएल संपूर्ण देशात 4G सर्व्हिस सुरू करत आहे. त्यातच आता बीएसएनएलने एक असा प्लान लॉन्च केला आहे ज्याची किंमत 200 रुपयांपेक्षा कमी आहे आणि यामध्ये तब्बल 70 दिवसांची व्हॅलिडिटी मिळणार आहे.
कोणता आहे हा प्लान ?यामध्ये 70 दिवसांची व्हॅलिडिटी युजर्सला मिळते. या प्लानमध्ये पहिल्या 18 दिवसांसाठी संपूर्ण भारतात कोणत्याही नेटवर्कवर अनलिमिटेड कॉलिंगची सुविधा देण्यात येते. यासोबतच पहिल्या 18 दिवसांसाठी दररोज 2GB डेटा युजर्सला मिळणार आहे. बीएसएनएलचा हा प्रीपेड रिचार्ज प्लान 197 रुपयांचा आहे. अशा प्रकारे एकूण 36 GB डेटा मिळणार आहे.
युजर्सला या प्रीपेड रिचार्ज प्लानमध्ये सुरुवातीच्या 18 दिवसांसाठी 100 SMS फ्री देण्यात येणार आहेत. म्हणजेच युजर्सला 70 दिवसांसाठी आपल्या फोन नंबरवर फ्री इन्कमिंग कॉल्सची सुविधा मिळणार आहे. 18 दिवसांनंतर युजर्सला बीएसएनएलच्या या रिचार्ज प्लानमध्ये 40 kbps या स्पीडने अनलिमिटेड इंटरनेट डेटा मिळणार आहे. तसेच या प्लानमध्ये युजर्स आपले सिमकार्ड 70 दिवसांसाठी अॅक्टिव्ह ठेवू शकतात.
जिओ, एअरटेल आणि वोडाफोन या कंपन्यांकडे सध्या असा कोणताही स्वस्त रिचार्ज प्लान उपलब्ध नाहीये ज्यामध्ये 200 रुपयांपेक्षा कमी किमतीत 70 दिवसांची व्हॅलिडिटी मिळते. ज्या युजर्सला 18 दिवसांनंतर डेटा आणि कॉलिंगचा लाभ घ्यायचा आहे असे युजर्स आपला नंबर बीएसएनएलच्या डेटा आणि कॉलिंग असलेल्या टॉप-अप वाऊचरने रिचार्ज करु शकतात.
0 टिप्पण्या